Photo Source : Shutterstock

के हो व्यावसायिक योजना ?

एउटा व्यावसाय सफल हुनको लागि व्यावसायिक योजनाको ठुलो महत्व रहेको हुन्छ व्यावसायिक योजना भनेको तपाईँको व्यवसायको प्रस्ट उद्देश्य अनि उद्देश्य पुरा गर्न आवश्यक रणनीति र योजनाको विस्तृत विवरण हो ।

व्यावसायिक योजनाले कुनै पनि व्यवसाय सुरु गर्नु अघि आवश्यक लगानी जुटाउन, व्यवसायलाई सञ्चालन गर्न,  भविष्यमा व्यवसायलाई बढाएर लैजान, दिनप्रतिदिन त्यसको व्यवस्थापन गर्न र लक्ष्य लिए अनुसारको नाफा कमाउनका लागि मार्गदर्शनको काम गर्छ ।

व्यावसायिक योजना उद्यमी आफैले घरमै बसी सजिलैसँग बनाउन सक्छन् तर हिजोआज व्यावसायिक योजना बनाउन मद्दत गर्ने विज्ञहरूको सहयोग पनि लिन सकिन्छ हामीले यो लेखमा उद्यमी आफैले घरमै बसी व्यावसायिक योजना कसरी बनाउन सक्छन् भनी चर्चा गर्दै छौ

व्यावसायिक योजनामा यी कुराहरू यसरी सिलसिलेवर लेख्नुहोस्

व्यवसायको छोटो सारांश : योजनाको सबैभन्दा सुरुमा तपाईँको व्यवसायको छोंटो परिचय दिनुहोस् । यसमा तपाईको व्यवसायको नाम, प्रकार र उदेश्यको  छोंटो तर आकर्षक रुपमा व्याख्या गर्नुपर्छ ।   यसले भविष्यमा तपाईको व्यावसायीक योजना पढ्ने जो-कोहीलाई तपाईँको व्यवसायको बारेमा सुरुवाती जानकारी दिन्छ  

व्यवसायको परिचय : व्यावसायको छोटो परिचय दिईसके पछि तपाईको व्यवसायले कुन र कस्तो बस्तुको  उत्पादन र बिक्री गर्दैछ, त्यसका लागि कस्तो ठाउँ रोज्दै हुनुहुन्छ, कसको नाममा दर्ता गर्दै हुनुहुन्छ, कानुनी र प्राविधिक कठिनाइ के के छन्, भन्ने जस्ता जानकारीहरु तपाईले यहाँ दिन पर्नेहुन्छ । यसैगरि बाजारमा यस्तै प्रकारका अन्य व्यवसाय कति छन् वा छैनन्, पहिले थिए भने के कारणले सफल वा असफल भए र तपाईँले समस्यालाई चिरेर कसरी राम्रो नतिजा दिन सक्नुहुन्छ भन्ने बारेमा पनि यसै शिर्षक भित्र उल्लेख गर्नुपर्छ

बजारीकरण (मार्केटिङ्ग) को योजना र कार्यान्वयन: बजारमा कति सम्भावना छ, कति  माग र वितरण भइरहेको छ, तपाईँको उत्पादनले उपभोक्ताको अपेक्षा कसरी पुरा गर्छ, बजारमा कति प्रतिस्पर्धा र समस्याहरू छ र उक्त समस्या कसरी समाधान गर्ने योजना छ,। आफ्नो उत्पादनको लक्षित ग्राहक को हो, उत्पादनको गुणस्तर र मूल्यको बिचमा कसरी सन्तुलन राख्दै लक्ष्य लिए अनुसारको नाफा कमाउने, उत्पादनलाई बजारसम्म कसरी र को मार्फत पुर्याउने, उत्पादनलाई बाजारमा कसरी बिक्रि गर्ने, त्यसका लागि ग्राहकको विश्वास कसरी जित्ने,, जस्ता विषय यो खण्डमा समावेश गरिनुपर्छ

व्यवसाय संचालनको उद्देश्य :  तपाईँको व्यवसायले कति समयमा कति मात्रामा उत्पादन गर्ने, कस्तो प्रविधि र बौद्धिक सम्पत्तिको उपयोग गर्ने र समग्रमा कति उपलब्धि हासिल गर्ने भन्ने उद्देश्य यो शिर्षकमा समेट्नु पर्छत्यसैगरि यी उदेश्यहरु एक वर्षमा कति र , पाँच वर्षमा कति हासिल गर्ने, व्यवसायको आकार कत्रो बनाउने,यसका लागिकसले जिमेवारी बहन गर्ने, जस्ता कुरा पनि यहाँ लेखिनुपर्छ । यसो गर्नाले भविष्यमाव्यवसाय चल्दै गर्दा व्यावसायले लिएको लक्ष्य र हासिल गरेको उपलब्धिहरु बीच तुलानागत गर्दै व्यावसायलाई अझ परिस्कृत गर्दै लैजान सहज हुन्छ।, भविष्यमा कस्तो लक्ष्य राख्ने, आदिका बारेमा यस खण्डमा चर्चा गर्नुपर्छ । विस्तृतमा पढ्नका लागि यहाँ क्लिक गर्नुहोस् ।

संलग्न व्यक्तिहरु र मानवस्रोतको व्यवस्थापन : व्यवसायको लक्ष्य सोचेको समय र गुणस्तरमा हासिल गर्न त्यसका पछाडी संलग्न व्यक्तिहरुको बारेमा यहाँ उल्लेख गर्नुपर्छ । संलग्न व्यक्तिहरुमा व्यवसायका साझेदारहरु, बोर्डक सदस्यहरु, व्यवस्थापन र उत्पादानका लागि तल देखि माथिसम्म नै खटिएका व्यक्तिहरु भन्ने बुझिन्छ । यस शिर्षकमा यस्ता व्यक्तिहरुलाई व्यवसायमा संलग्न हुन र टिकाईराख्नको लागि व्यवसायले लिनुपर्ने रणनीति र योजनाहरु संलग्न गर्नुपर्छ । विस्तृतमा पढ्नका लागि यहाँ क्लिक गर्नुहोस् ।

आर्थिक व्यवस्थापन र योजना :व्यवसायमा गरिएको लगानी (रकम र अन्य सम्पत्तिहरुको) उचित प्रयोग होस् र अनावश्यक कामका लागि खर्च नहोस् र उक्त लगानीबाट व्यावसायले लक्ष्य लिएको समयमा प्रतिफल हासिल होस् भन्नका लागि राम्रोसँग आर्थिक योजना बनाउनुपर्छ । व्यवसायमा भएको लगानीको अनुपातमा कति उत्पादन र विक्री हुन्छ, नयाँ कामदार र प्राविधिक सामग्री कति राख्ने/नराख्ने, लगानीका लागि ऋण लिने कि नलिने, ऋण लिने भए कुन माध्यमबाट जुटाउने, कति लगानी गर्ने, कति रकम आपतकालिन समयका लागी छुट्याउने,, ब्यालेन्स सिट, नाफा र घाटाको लेखाजोखा कसरी गर्ने र कति समयमा व्यवसायीले गरेको लगानी उठाउने उदेश्य लिने जस्ता विषयहरू यहाँ समेट्नुपर्छ ।विस्तृतमा पढ्नका लागि यहाँ क्लिक गर्नुहोस् ।

परिशिष्ट/अनुसूची : यो अन्तिम खण्डमा योजनाको कुनै तस्बिर, माथिल्ला खण्डमा नसमेटिएका भन्ने पर्ने कैफियतहरू राख्ने गरिन्छ ।  

0
0
0
s2sdefault

समाचार

व्यवसाय गाइड

अवसरहरु

नेपालको पहिलो महिला टेम्पो ड्राइभर र सफल महिला उद्यमी...

लक्ष्मी शर्मा, ६८ बर्षको हुनुभयो तर पनि ३४ बर्ष अघि एउटा एकल आमाको रुपमा व्यावसाय सुरु गर्दाको बेला जत्तिकै उर्जाशील हुनुहुन्छ।

सबै पढौं

व्यवसायको प्रक्रिया

उद्यमी नेपालले व्यवसाय सुरु गर्न देखि व्यवसाय चलाउन चाहिने सम्पूर्ण जानकारी र सहयोग उपलब्ध गराउँछ ।

व्यवसाय गर्ने निश्चित प्रक्रिया हुन्छ। प्रत्येक व्यवसायिक चरणमा अपनाउनु पर्ने कुराहरूको जानकारी लिएर व्यवसाय गरे व्यवसायमा सफलता हात पार्न सकिन्छ । व्यवसाय गर्दा चाहिने यस्तै अतिआवश्यक जानकारीहरू तपाइले पाउन सक्नुहुन्छ ।

पहिलो चरण

व्यवसाय सुरु गर्ने सोचमा

कुनै पनि व्यवसाय सुरु गर्न निर्णय लिने प्रक्रिया एकदमै महत्वपूर्ण हुन्छ। यसमा कुन व्यवसाय गर्ने , कस्तो प्रकारको व्यवसाय, कति लगानीको व्यवसाय गर्ने, यो क्षेत्रमा अरू व्यवसायीहरू के गर्छन् आदि सुरुवाती अनुसन्धान र निर्णयहरू पर्छन्।

दोश्रो चरण

व्यवसायिक योजनाको निर्माण

यसमा व्यवसाय गर्ने निर्णय गरिसकेपछि, योजना बनाउने प्रक्रिया, योजनाको निर्माण,संचालन योजना, वित्तीय योजना, बजार योजना जस्ता योजनाहरूको निर्माण, योजना कार्वानयन गर्न चाहिने रूपरेखा आदि पर्छन् ।

तेश्रो चरण

सुरु गर्ने प्रक्रिया - लगानी कर्ताको खोजी

यसमा व्यवसाय गर्ने निर्णय गरिसकेपछि, कारोबार सुरु गर्न अपनाउनु पर्ने प्रक्रिया, लगानीकर्ता वा व्यवसायिक पार्टनरको खोजी, व्यवसायको थालनी, नयाँ व्यवसायको बजार व्यवस्थापन, आदिको जानकारी पर्छन्।

चौथो चरण

व्यवसाय दर्ता गर्ने प्रक्रिया

यसमा व्यवसाय दर्ता गर्ने प्रक्रिया, ध्यान दिनुपर्ने कुरा, दर्ता गर्दा पालना गर्नुपर्ने नियमहरू, करकर्जा लगायत कानुनी प्रावधानका कुराहरू पर्छन्।

पाँचौ चरण

संचालन भइरहेको व्यवसाय व्यवस्थापन गर्न

यसमा संचालन भइरहेको व्यवसायलाई संचालन गर्दा ध्यान दिनुपर्ने कुराहरू, व्यवसायामा सुचना प्रविधीको प्रयोग, दैनिक विचार पुर्याउनुपर्ने कुराहरू, व्यवसायका लागि नयाँ अवशरहरू, वित्तीय व्यवस्थापन तथा अनुपालन, मानव संसाधन, आदि पर्छन्।

छैठौँ चरण

व्यवसाय समापन अथवा व्यवसाय वृद्दिको रणनिती अपनाउन

यसमा व्यवसाय बढ्दै जाँदा लिनुपर्ने रणनिती, व्यवसाय बढ्दै जाँदाको व्यवस्थापन, अथवा व्यवसाय बन्द गर्नु पर्ने अवस्थाहरू पर्छन्।