कुनै पनि व्यवसाय सञ्चालन गर्दा त्यो व्यवसायलाई भविष्यमा कस्तो बनाउने र कसरी बनाउन सकिन्छ भनेर सोच-विचारपूर्ण हिसाबले लेखि तयार पारिएको योजनालाई व्यावसायिक योजना भनिन्छ। व्यावसायिक योजानामा, तपाईले व्यवसाय सुरु गर्नुको उद्देश्यहरु, ती उदेश्यहरुलाई भविष्यमा पुरा गर्नका लागि गर्नुपर्ने कामहरु, व्यावसायमा संलग्न व्यक्तिहरुको विवरणहरु, आवश्यक पर्न सक्ने बजेट आदिको बारेमा पुरा जानकारी लेखिएको हुन्छ।

व्यावसायिक योजना किन आवश्यक छ?

कुनै योजना नबनाई व्यवसाय सुरु गर्नु भनेको अध्यारोमा ढुङ्गा हान्नु जस्तै हो। व्यवसाय गर्न चाहने जो कोही व्यक्तिले व्यावसायिक योजना बनाउन एकदमै जरुरि हुन्छ । व्यासायिक योजनाको मुख्य महत्वहरु तल दिईएको छ:

१. भविष्यमा आउन सक्ने समस्याहरुलाई टार्न मद्दत गर्छ

राम्रो व्यवसाय सञ्चालन गर्नको लागि त्यो व्यवसायलाई व्यवस्थित तरिकाले चलाउनु पर्ने हुन्छ। व्यावसायिक योजनाले व्यवसाय सञ्चालन गर्दा आइपर्न सक्ने समस्याहरुलाई हटाउन पनि मद्दत गर्छ। किनकि योजना बनाउनाले भविष्यमा आइपर्ने जोखिम वा चुनौतीहरुको सामना गर्नको लागि विकल्पहरू थाहा पाउन सकिन्छ।

२. आफ्नो व्यवसाय बढाउन

एउटा राम्रो व्यावसायिक योजना बनाएर व्यवसाय सञ्चालन गरेको उद्यमीले पक्कै पनि राम्रो फाइदा लिन सक्छ जसले गर्दा भविष्यमा व्यवसायको पुँजी बढाएर व्यवसायको आकार बढाउन सकिन्छ।

३. व्यवसायको काम लगातार गर्न

व्यावसायिक योजना नबनाएको व्यवसायमा भोलि के काम गर्दा राम्रो हुन्छ वा कुन काम कति बेला गर्ने भनेर अलमलमा पर्न सकिन्छ, त्यसको निर्णय लिन धेरै समय लाग्न सक्छ। र अघि गर्नुपर्ने काम पछि अनि पछि गर्नुपर्ने काम अघि हुनसक्छ जसले गर्दा काम गर्ने क्रम बिग्रिन गई ढिला सुस्ती हुन सक्छ। त्यसैले योजना बनाएर व्यवसाय सञ्चालन गरेमा व्यवसायको काम समयमै लगातार गर्न सकिन्छ।

४. पैसाको राम्रो व्यवस्था गर्न

योजना बनाएर काम गर्दा चाहिने ठाउँमा मात्र पैसा खर्च हुन्छ र के कति खर्च लाग्छ भन्ने पनि लगभग अनुमान गर्न सकिन्छ। जसले गर्दा अनावश्यक कुरामा खर्च हुन पाउदैन।

५. व्यवसायलाई सफल बनाउन

यदि योजना अनुसार व्यवसाय सञ्चालन गरेमा सबै काम समयमा नै गर्न सकिन्छ। जसले गर्दा व्यवसायको उद्देश्य पुरा गर्न मद्दत गर्छ र असफल हुने सम्भावना पनि कम हुन्छ। यसरि आफ्नो व्यवसायलाई भविष्यमा सफल व्यवसाय बनाउन सकिन्छ।


स्रोत : यो लेख उद्यमी नेपाल टिमले बिभिन्न लेख तथा अनुशन्धानहरुको अध्ययन गरि तयार परेको हो।

0
0
0
s2sdefault

समाचार

व्यवसाय गाइड

कबुलियति वन र यसलाई भाडामा लिएर लाभ लिने तरिकाहरू!
 सार्वजनिक, निजी तथा समुदायको लगानीबाट वन...
सबै पढौं

अवसरहरु

नेपालको पहिलो महिला टेम्पो ड्राइभर र सफल महिला उद्यमी...

लक्ष्मी शर्मा, ६८ बर्षको हुनुभयो तर पनि ३४ बर्ष अघि एउटा एकल आमाको रुपमा व्यावसाय सुरु गर्दाको बेला जत्तिकै उर्जाशील हुनुहुन्छ।

सबै पढौं

व्यवसायको प्रक्रिया

उद्यमी नेपालले व्यवसाय सुरु गर्न देखि व्यवसाय चलाउन चाहिने सम्पूर्ण जानकारी र सहयोग उपलब्ध गराउँछ ।

व्यवसाय गर्ने निश्चित प्रक्रिया हुन्छ। प्रत्येक व्यवसायिक चरणमा अपनाउनु पर्ने कुराहरूको जानकारी लिएर व्यवसाय गरे व्यवसायमा सफलता हात पार्न सकिन्छ । व्यवसाय गर्दा चाहिने यस्तै अतिआवश्यक जानकारीहरू तपाइले पाउन सक्नुहुन्छ ।

पहिलो चरण

व्यवसाय सुरु गर्ने सोचमा

कुनै पनि व्यवसाय सुरु गर्न निर्णय लिने प्रक्रिया एकदमै महत्वपूर्ण हुन्छ। यसमा कुन व्यवसाय गर्ने , कस्तो प्रकारको व्यवसाय, कति लगानीको व्यवसाय गर्ने, यो क्षेत्रमा अरू व्यवसायीहरू के गर्छन् आदि सुरुवाती अनुसन्धान र निर्णयहरू पर्छन्।

दोश्रो चरण

व्यवसायिक योजनाको निर्माण

यसमा व्यवसाय गर्ने निर्णय गरिसकेपछि, योजना बनाउने प्रक्रिया, योजनाको निर्माण,संचालन योजना, वित्तीय योजना, बजार योजना जस्ता योजनाहरूको निर्माण, योजना कार्वानयन गर्न चाहिने रूपरेखा आदि पर्छन् ।

तेश्रो चरण

सुरु गर्ने प्रक्रिया - लगानी कर्ताको खोजी

यसमा व्यवसाय गर्ने निर्णय गरिसकेपछि, कारोबार सुरु गर्न अपनाउनु पर्ने प्रक्रिया, लगानीकर्ता वा व्यवसायिक पार्टनरको खोजी, व्यवसायको थालनी, नयाँ व्यवसायको बजार व्यवस्थापन, आदिको जानकारी पर्छन्।

चौथो चरण

व्यवसाय दर्ता गर्ने प्रक्रिया

यसमा व्यवसाय दर्ता गर्ने प्रक्रिया, ध्यान दिनुपर्ने कुरा, दर्ता गर्दा पालना गर्नुपर्ने नियमहरू, करकर्जा लगायत कानुनी प्रावधानका कुराहरू पर्छन्।

पाँचौ चरण

संचालन भइरहेको व्यवसाय व्यवस्थापन गर्न

यसमा संचालन भइरहेको व्यवसायलाई संचालन गर्दा ध्यान दिनुपर्ने कुराहरू, व्यवसायामा सुचना प्रविधीको प्रयोग, दैनिक विचार पुर्याउनुपर्ने कुराहरू, व्यवसायका लागि नयाँ अवशरहरू, वित्तीय व्यवस्थापन तथा अनुपालन, मानव संसाधन, आदि पर्छन्।

छैठौँ चरण

व्यवसाय समापन अथवा व्यवसाय वृद्दिको रणनिती अपनाउन

यसमा व्यवसाय बढ्दै जाँदा लिनुपर्ने रणनिती, व्यवसाय बढ्दै जाँदाको व्यवस्थापन, अथवा व्यवसाय बन्द गर्नु पर्ने अवस्थाहरू पर्छन्।